قطاع الطرق وعصابه الاربعين حرامى (رجال المرور)
لما كنت صغير كنت بتفرج على افلام على الكسار والاربعين حرامى
وكنت بتفرج على قطاع الطرق وهم بيقطعوا الطريق على العابريين بالطريق ومحاوله ابتزازهم بكل الوسائل دة كان زمان
حاليا يتم هذا الفلم فى وضوح النهار والعمار تحت مظله القانون
امس كنت فى الطريق ولسه خارج من تفويل السيارة وكان الطريق زحمه جدا وهى اصبحت عادة والسمه الاساسيه لشوارع المحروسه
وبعد فترة من الحركة التى تسير فيها وانت معشق على الاول وتتمنى فقط ان تنقل على الثانى حتى تريح السيارة اذ فجاة يظهر عضو من اعضاء الاربعين حرامى فى لبسه الاسود ولكنه كاشف وجهة وماسك فى يدة دفتر وقلم ويقولك
انت مش رابط الحزام ليه رخصك
بجد والله كنت عايز اضربه اشتمة اقتله اعمل اى حاجة غير انى استسلم له
فما كان منى غير هذا الحوار
انا: يعنى انت سايب كل الزحمة والعطله دى والعربيات الى مش بتمشى وتقولى الحزام حرام عليك
عضو الاربعين:ايوة يا استاذ المهم القانون واحنا بنفذ القانون
انا: قانون ايه وفين روح القانون الشارع مقفول تماما والعربيات والناس مخنوقه
عضو الاربعين: هتدفع ولا هنسحب الرخص
انا :هدفع بس دة ظلم
المهم العربيه بتاعتى كانت فى نصف الطريق بالظبط ولما ابديت اعتراضى على دفع الغرامه طلب منى انزل من السيارة والموضوع كبر شويه وجه الكبير بتاع القاعدة
اترف ما فى الموضوع ان عربيتى عطلت الطريق اكثر وقفلت الشارع اكثر لمسافه اكثر من 2 كم
وبقله كدة يعنى انت مش مهم عندك العطله الى عملهنا فى الشارع
عضو الاربعين:المهم تطبيق القانون
بعد الدفع والذى منه جيه واحد تانى من الاعضاء
عضو اخر الاربعين: مش كنت تقول يا دكتور وكنا عملنا معاك الواجب
انا: لا خلاص الواجب تم ودفعنا وخلصنا
العضو اخر الاربعين: نظرة حسرة على هروب سبوبه منه
على بعد 1 كم فرح فى الشارع والزفه موقفه الطريق اصلا
على بعد 1.5 الفار الاسود (التوك تك) يصول ويجول بدون رابط
ملاحظات هامه على الهامش :
انا غلطان طبعا عشان ربط الحزام
القانون فى مصر زى الملابس حسب نوع السهرة
ضباط الشرطة : يوجد منهم ناس محترمه كتير وانا اشتغلت معاهم اكثر من 7 سنوات
اعضاء الاربعين حرامى : احسست بالشفقه اتجاهم فهم ناس اما باعوا ضمائرهم بالقليل
او اجبروا على مسح عقلوهم وقلوبهم من اجل تنفيذ الاوامر ومش مهم الاوامر فى الصالح العام ام لا
الصالح العام اخر شى ممكن تجدة المهم المصلحة الشخصيه
النهايه مصر رايحة فى داهيه لاننا لا نفرق بين المهم والاهم
